பரவசம்,ஆனந்தம்,முழு நிறைவு.

192

Get real time updates directly on you device, subscribe now.

ஓம் ஸ்ரீ ஈஸ்வர மஹா ஜோதியே சரணம்!

28•04•2017,
வெள்ளிக்கிழமை,
குரு ஈஸ்வராலயம்,
பொள்ளாச்சி. .

(302) மனிதனே புனிதன் —
பரவசம்,ஆனந்தம்,முழு நிறைவு.
°°°°°°°°°°°°°°°°°°°°°°°°°°°°°°°°°°°°°°°
ஒரு அம்பாஸடர் கார் என்னைத் தாண்டிச் சென்று நின்றது. அந்தக் காரின் கதவு திறந்தது. சிரித்தபடி சுவாமிகள் காரிலிருந்து இறங்கி என்னைப் பார்த்து அழைத்தார் கள். திகைப்போடு நின்ற எனக்கு அவரைக் கண்டதும் ஏற்பட்ட மகிழ்ச்சிக்கு அளவேயில்லை. ஓடிச் சென்று அவரை வணங்கி னேன். அவர் சிரித்தபடியே, “சபரிமலை செல்கிறாயா? யாருடன் செல்கிறாய்? பக்தர்களுடனா செல்கிறாய்?” என்று கேட்க, எனக்கு ஏற்பட்ட சந்தோஷத்தில் என்ன கூறுவதென்றே தெரியாமல், “ஆம், ஸ்வாமி ” என்றேன். ஐம்பது ரூபாய் எடுத்து எனக்குக் கொடுத்து, “இதனை ஐயப்ப சுவாமியிடம் செலுத்தி விடு” என்றார்கள். அப்போது காரினுள் இருந்த “சாமி அம்மா ” சிரித்த படியே எனக்கு ஆசி வழங்கினார் கள். அன்று எனக்கேற்பட்ட பரவசத்திற்கும், ஆனந்தத்திற்கும் அளவேயில்லை. எனக்கிருந்த மிகப்பெரிய ஏக்கம் நீங்கிட முழு நிறைவு டன் சந்தோஷமாக சபரிமலை சென்றேன். இது எனது வாழ்க்கையில் மறக்க முடியாத நிகழ்ச்சியாகும்.

பெளர்ணமி தோறும் பொள்ளாச்சி அருகேயுள்ள சுவாமிகளின் கிராமத்தில் உள்ள ஓம் குரு இல்லத்தில் மகாயாகமும், அன்னதானமும் நடைபெறும். மூன்று நாட்கள் தொடர்ந்து நடக்கும் அந்த நிகழ்ச்சியில், தவறாமல் சோமனூர் நண்பர்கள் கலந்து கொள்வோம். சுவாமி ஒருவரே அந்த மிகப்பெரிய யாகத்தைச் செய்வார்கள். சாமி அம்மா அவர்கள் மிக முக்கியமான பங்களிப்பைச் செய்வார்கள். நாங்கள் எத்தனை நாட்கள் தங்கினாலும், எங்களுக்கு முகம் கோணாமல், எந்த வித சலிப்புத் சங்கடங்களும் இல்லாமல், அந்த அன்னபூரணித்தாய் எங்களுக்குப் பெற்ற தாய் போல் உணவளித்து நன்றாக உபசரிப்பார்கள். எப்பொழுதும் அந்த அன்பான, சாந்தமான, கனிவான முகத் தோற்றம், எங்களுடைய சாமி அம்மாவின் தெய்வீகத் தோற்றம். இன்னும் ஒரு பெளர்ணமிக்கு நாங்கள் சுவாமி வாழ்ந்து வந்த கிராமத்திற்குள் சென்றிருந்த போது எங்களுடன் திரு. பசுபதி வந்திருந்தார். மகா யாகம் முடிந்த பிறகு நமது ஸ்ரீ நாகராஜன் சுவாமி அவர்கள் பூஜை அறையில் தியானத்தில் அமர்ந்து இருப்பார்கள். அந்த அறையை ஒட்டி மற்றொரு அறை இருக்கும். அங்கு நாங்கள் தங்குவோம். பூஜை அறையில் சுவாமி இருக்கும் போது எங்களில் ஒவ்வொருவராக அழைத்து ஆசி வழங்குவார்கள்.

அப்போது பக்கத்து அறையில் நாங்கள் எங்களுக்குள் சற்குரு நாதரின் சிறப்பு பற்றிப் பேசிக் கொண்டிருக்கும் போது திரு. பசுபதி, “சற்குரு நா தரை யாராவது நேரில் பார்த்தது உண்டா?” என்று கேள்வி கேட்டார். ” நான் சற்குரு நாதரை நேரில் பார்க்க வேண்டும். அப்போது தான் சற்குரு நாதர் அவர்கள் இருக்கிறார்கள் என்று நான் நம்புவேன்” என்று தர்க்கம் செய்து கொண்டிருந்தார். பின் சுவாமிகளிடமிருந்து எனக்கும் பசுபதிக்கும் அழைப்பு வந்தது. எப்போதும் ஒவ்வொருவராக அழைப்பார்கள் சுவாமிகள். இப்போது எங்கள் இருவரையும்
ஒன்றாகக் அழைக்கிறார்களே என்று நான் எண்ணினேன். இருவரும் சுவாமிகள் இருக்கும் பூஜை அறையில் நுழைந்தோம். அப்போது சுவாமிகள் தெய்வாம்சத்துடன் கனிந்திருந் தார்கள். மிக அற்புதமான தேஜஸூடன் ஒளி பொருந்திய முகத்தோடு, அருட்பார்வை யுடன் , புன்சிரிப்போடு எங்களைப் பார்த்தார்கள். பிறகு திரு.பசுபதியிடம், ” எப்போதும் சற்குரு நாதர் உன்னுடன் இருக்கிறார். நீ அவரைப் பார்த்துக் கொண்டும், பேசிக் கொண்டும் இருக்கிறாய். பின் ஏன் பார்த்ததில்லை என்று சொல்கிறாயு? ” என்று கேட்டார்கள். அதற்குத் திரு.பசுபதி, “நான் நேரில் அவரைப் பார்த்ததில்லையே” என்று கூறினார். சுவாமி அவர்கள் உடனே, “என்னை நன்றாகப் பாருங்கள். நான் உங்களுடன் தான் உள்ளேன். நீங்கள் என்னோடு பேசிக் கொண்டும், பார்த்துக்கொண்டும் இருக்கிறீர்கள். பின் உனக்கு இந்த சந்தேகம் ஏன் வந்தது? ” என்று கூற அப்போது பூஜை அறையில் மிகப் பிரகாசத்துடன்
ஒளிவெள்ளம் பாய்ந்தது. சுவாமி
களின் சிரசின் பின்புறம் ஒரு ஒளிவட்டம் தோன்றியது. பிரகாசமான ஒளி அணுக்கள் அறை முழுவதும் பரவியிருந் தது. எனக்கு என்ன செய்வது? என்று தெரியவில்லை. இருவருமே ஆனந்த அதிர்ச்சி யுடன், திகைப்புடன் சுவாமியை நெடுந்சாண் கிடையாக விழுந்து வணங்கினோம். அந்த நேரத்தில் எனக்குள் உண்டாகியிருந்த
பரவச நிலையை என்னால் விவரிக்க முடியவில்லை.

“சற்குரு நாதரைப் பார்த்தீர்களா?” என்று சுவாமிகள் கேட்க சந்தோஷமாக வாங்கினோம். பிறகு சுவாமிகள், “உங்களுக்கு என்ன வேண்டும்? ” என்று கேட்டார். அதற்குத் திரு. பசுபதி,
” எப்போதும் நாங்கள் உங்களுடன் இருக்க வேண்டும். உங்களுடைய கருணையும், அன்பும், ஆசிகளும் எங்களுக்கு எப்போதும் வேண்டும். அதற்கு நாங்கள் உரியவராக இருக்க எங்களுக்கு அனுக்கிரகம் செய்யுங்கள் ” என்று கூறினார்.

(மனிதனே புனிதன் வரலாறு இன்னும் தொடர்ந்து வரும்)

நன்றி! வணக்கம்!

— ஸ்ரீ ஈஸ்வர குமாரரின் தொண்டன்!
மதுரை M.மேகநாதன்.


Copyright Warning:
* All images and materials are copyright protected and are the property of Guru Eswaralayam Charitable Trust. Please contact us at admin@gurueswaralayam.com for permission to use our copyrighted materials.
* Unauthorized use and/or duplication of these images and materials without written permission from this blog’s authors and owners is prohibited. Excerpts and links may be used, provided that credit is given to Guru Eswaralayam Charitable Trust, with appropriate and specific direction to the original content.

Get real time updates directly on you device, subscribe now.

Call Now Button