இயல்பை மறப்பதுதான் பரிதாபம்.

252

Get real time updates directly on you device, subscribe now.

ஓம் ஸ்ரீ ஈஸ்வர மஹா ஜோதியே சரணம்!

05•05•2017,
வெள்ளிக்கிழமை,
குரு ஈஸ்வராலயம்,
பொள்ளாச்சி.

(309) மனிதனே புனிதன் —
இயல்பை மறப்பதுதான் பரிதாபம்.
°°°°°°°°°°°°°°°°°°°°°°°°°°°°°°°°°°°°°°°
இயற்கை குணமுடைய பாட்டி அவர்களிடம் சற்குருநாதர் அதிகம் பேச விரும்பவில்லை. அவர் பாட்டியினை ஆசீர்வதித்து, “பாட்டி.. உனது பேரனுக்கு எனது வீட்டைக் காண்பிக்க அழைத்துச் செல்கிறேன். விரைவில் திரும்பி விடுவான். உமக்கு எம்மால் ஆக வேண்டியது எதுவும் உண்டோ?” எனக் கேட்டார். அதற்குப் பாட்டி, “அடியாளைச் சோதிப்பதற்கு என்ன தவம் செய்தேனோ? சுவாமி, மனிதர்கள் ஒருவரோடு ஒருவர் கருத்து வேறுபாடு கொள்கிறார்கள். உலகின் இயற்கை குணத்தையும் மறந்து விட்டார்கள். இதில் இனப் போராட்டம் வேறு செய்கிறார் கள். இதனால் என்ன விளையும் சுவாமி? ” என்று ஆதங்கத்தோடு கேட்டார்கள். அதற்கு சற்குரு நாதர், ” இயற்கையின் சக்திக்கு மாறுபாடாக எவரால்தான் நடக்க முடியும். தான் வேறு, உலகம் வேறு என்று எண்ணிச் தனித்து வாழ்ந்தவர்கள் வாழ்வெல்லாம் வீணாகிப் போனதை அறிய மாட்டாயா? இயற்கை குணத்தை மறந்து, கருத்து வேறுபட்டு, இனப் போராட்டங்களை மனிதன் நடத்தி வருவதனால் உலகின் வேகத்தில், சுற்றுதலில், மாற்றம் ஏற்பட்டு விட்டது. அதனால் பருவகாலத்திலும் மாற்றம் உண்டாகியுள்ளது. பஞ்சபூதங்கள் தன்நிலை மாற்றம் மனிதனின் எண்ணக் கேடுகளால் தான் ஏற்பட்டிருக்கிறது. வேண்டும் என்றால் இயற்கை தன்னைத் தானே சரிப்படுத்திக் கொள்ளும் ” என்றார்.

நமது சுவாமி தனது குருநாதரை சாஷ்டாங்கமாக நமஸ்கரித்து எழுந்தார். குருவும் சீடனும் சென்று ஆற்றங்கரை ஓரமிருந்த அரசமரத்து மேடைக்குச் சென்றார்கள். தியானத்தில் சீடனை அமர வைத்து விட்டு, நெற்றியில் தொட்டு ஆத்மாவில் பதியவேண்டியதை அவர் பதிய வைத்து விடுவார். ” மகனே நாகராஜா, மனிதன் தனது மனதிற்கு அடிமைப்பட்டு விட்டான் என்றால், அவனுக்கு வாழ்க்கையில் அல்லும், பகலும் தனக்கு நேர்ந்த விதியை எண்ணி வருத்தமும், வாழ்வில் இனி வரப்போவதைப் பற்றிய கவலையும், உண்டாகி விடும். இதனால் குடும்பம், குழந்தைகள் பற்றிய அக்கறையும், அவர்கள் பற்றிய அன்பின் நினைவுகளும் நீங்கி இயலாமையும், கோபமும் தான் மிஞ்சி நிற்கும். இயற்கை யின் இயல்புப்படி, இன்பமும், துன்பமும் உண்டாவதும் உலக அமைப்பில் ஓர் நிகழ்ச்சியாகக் கொள்ளும் பக்குவம் நமக்கு ஏற்பட்டு விட வேண்டும். உலகில் உள்ள எல்லாப் பொருட்களும் தங்களது உருவை மாற்றிக்கொள்ள வேண்டும். அல்லது சிதைவுபட வேண்டும். இது படைப்பின் உண்மை. இந்த உலகில் மாற்றமும், அழிவும் அதனுடைய உயிர்த் தன்மை என்பதை மறந்து விட்டாயா? அப்படி நடை பெறுவது தான் உலகத்தின் உயிர் என்ற உண்மையை எவன் ஒருவன் அறிந்து கொண்டு விடுகின்றா னோ, அவனுடைய மனதில் சமாதானமும், சாந்தியும் உண்டாகும். இதுதான் நமது உலக வாழ்வு என நம்பிக்கை கொண்டு வாழ்ந்து வர வேண்டும். இல்லை யென்றால் குறுகிய வாழ்க்கை என்னும் காலத்தில், ஆன்மிக ஞானத்தை மனதினுள்ளே நுழைய வைத்து விட்டு, நமது அறிவை மூடிக்கொண்டு விளங்கும் அறியாமை இன்னும் இருளை நீக்கிக் கொள்ள வேண்டும். இல்லா விட்டால் மீண்டும் ஒரு சந்தர்ப்பம் வாய்க்காமல் மரணம் மனிதனை சூழ்ந்து அழித்து விடும். அதுவும் உலக நடைமுறைதான்” என்று கூறிவிட்டு மைந்தன் முகத்தைத் கண்டு ஆனந்தம் கொண்டார். அங்கே ஞானஒளி பிரகசித்துக் கொண்டு சுடர்ந்தது.

மனதினில் சேரும் குப்பை களைத் தனது அருள் என்னும் தென்றலை அனுப்பி, வந்து ஒதுக்கித் தூய்மை செய்யும் வித்தையினைக் கைக் கொண்டு விட்டார் என்பதை நமது சுவாமி உணர்ந்து கொண்டார். ” மகனே, வீடு முழுவதும் குப்பை கூளங்கள் இன்றித் தூய்மையாக வைத்திருக்க விரும்புகின்றாயா? சொல்லப்பா “எனக் குருநாதர் கேட்டார். “ஆம் சுவாமி , நமது மனதினைப் போல!” என்று சீடன் பதில் கூறினார். “அப்படியா சரி, கழிவுகள் பற்றி நீ என்ன நினைக்கிறாய்? “என்று அடுத்த வினாவினைத் தொடுத்தார்.
அதற்குச் சீடன், ” ஒன்றை ஒன்று உட்கொண்ட பிறகு சத்துக்களை பிரித்து உட்கொண்டு, சக்கை களை கழிவாக வெளியேற்றும். அவைகளில் தாம் மீண்டும் ஜீவன்கள் உற்பத்தி ஏற்படும் என்பது இயற்கை நியதி. அவைகளுக்கும் சிறப்பு உண்டு ” என்ற பதில் வந்தது.
“மகனே, போதும் இனி உண்மை உதயமாகி விட்டதால் , உனது நடபடிக்கைகளில் அறத்தைக் கடைப்பிடிக்க வேண்டும். தரும சிந்தனையோடு வாழ்வாய்”என குருநாதர் கூறினார்.
நமது சுவாமி ஞானவேள்வியாய் விளங்கும் சற்குருவைப் பணிந்து, “மனிதர்களில் தெய்வீக நம்பிக்கையுடன் வாழ்பவர்கள், தவவழியில் செல்பவர்கள்,
அறிவே திருவாய் இருப்பவர்கள், குருகாட்டிய வழியே நிலைத் திருப்பவர்கள் இப்படி உள்ளவர் களுக்குத் தனித்தனியே உலகில் வாழ்வியல் உள்ளதா? என அறிய விரும்புகிறேன்” எனக் கேட்டார்.
இதனைக் கேட்டவுடன் சற்குரு நாதர் பலமாகச் சிரித்து விட்டுக் கூறினார்.

(மனிதனே புனிதன் வரலாறு இன்னும் தொடர்ந்து வரும்)

நன்றி! வணக்கம்!

— ஸ்ரீ ஈஸ்வர குமாரரின் தொண்டன்!
மதுரை M.மேகநாதன்.


Copyright Warning:
* All images and materials are copyright protected and are the property of Guru Eswaralayam Charitable Trust. Please contact us at admin@gurueswaralayam.com for permission to use our copyrighted materials.
* Unauthorized use and/or duplication of these images and materials without written permission from this blog’s authors and owners is prohibited. Excerpts and links may be used, provided that credit is given to Guru Eswaralayam Charitable Trust, with appropriate and specific direction to the original content.

Get real time updates directly on you device, subscribe now.

Call Now Button