பூலோக சிவன் பாதம்.

237

Get real time updates directly on you device, subscribe now.

ஓம் ஸ்ரீ ஈஸ்வர மஹா ஜோதியே சரணம்!

10•12•2016,
சனிக்கிழமை,
குரு ஈஸ்வராலயம்,
பொள்ளாச்சி.

(163) மனிதனே புனிதன் —
பூலோக சிவன் பாதம்.
°°°°°°°°°°°°°°°°°°°°°°°°°°°°°°°°°°°°°°°”
சிவன் பாதம் என்று வானுலகோர் கருதுவது அறிவு, உணர்வு என்பதே. இப்பூமி மண்டலத்தில் மிகவும் துல்லியமாகக் தெரிவது சூரியனும், சந்திரனும் தான். சூரியனின் அறிவு அணுக்களும் , சந்திரனின் உணர்வு அணுக்களும் மனித உடலில் சுவாசங்களால் செயல்படுகின்றது. சூரிய, சந்திரன் சுவாசங்களைக் கொண்டு செயல் படுத்தும் யோக வித்தையைத் தான் சிவன் பாதம் என்று கூறப்படுகிறது. மனதில் எதையும் எண்ணாமல் செயல்படு என்று கூறுவதைப் புரிந்து கொள்பவர்களுக்கு சுவாசகலை வித்தைகள் உதவும்” என்று கூறிக்கொண்டே வந்தவர், “இதுதான் சமாது உள்ள இடம். நான் சீதா வனம் ஏக வேண்டும். உன்னைக் காலையில் சந்திக்கிறேன்” என்று கூறியபடியே வனத்தினுள் நுழைந்து சென்று விட்டார்.

சுவாமி தனியே அமர்ந்திருந்தார். கூட்டமாக பக்தர்கள் சுவாமியைக் கடந்து சென்று கொண்டிருந்தனர். ஒன்றிரண்டு பேர்கள் சமாது அருகே அமர்ந்து படுத்து உறங்கி விட்டனர். நமது சுவாமி கடும் குளிரைத தாங்கும் யோகாப்பியாசத்தில் அமர்ந்திருந்தார். சற்று நேரத்தில் திரு.காளியப்பன் குரல் கேட்டுக் கண்விழித்து எழுந்தார். ” எப்படி எனக்கு முன்னதாக வந்து சேர்ந்தீர்கள்? நான் வந்த வேகத்திற்கு நீங்கள் நிச்சயமாக என்னைக் கடந்து வந்து சேர்ந்திருக்க முடியாது. என்ன இது யக்ஷிணி வித்தையோ? எங்கே சுவாமி அந்தக் காட்டுவாசி?” என்று படபடப்பாகக் கேட்டார்.

” ஏதோ நேர் பாதையில் கூட்டிப் போகிறேன் என்று சொல்லி அழைத்து வந்தார். இங்கு என்னை விட்டு விட்டு சீதாவனம் போகிறேன் என்று சொன்னார். அவரை உங்களுக்குத் தெரியுமா? ” என்று சுவாமி வினயமாகக் கேட்டார்.”
அதற்கு அவர்,” எத்தனை தடவை மூலிகை பறிக்க வந்திருப்பேன். இவனுங்களெல்லாம் வனத்தில் வாழ்பவர்கள். மூலிகையைப் பறித்து, வயிறு பிழைப்பவர்கள்” என்று திரு.காளியப்பன் கூறிவிட்டு விரிப்பைப் போர்த்திக் கொண்டு சமாது அருகில் படுத்து உறங்கி விட்டார். தியானம் செய்து கொண்டு இருந்தார் சுவாமி.

“ரம்மியமான நிலவொளியில் தியானம் செய்து கொண்டு வெள்ளிங்கிரி மலை மேல் இருப்பதற்குக் கொடுத்து வைத்திருக்க வேண்டும் ” என்ற குரல் சுவாமி காதில் விழுந்தது. அது காளியப்பன் தான். அவர் பயணத்திற்குப் தயாராக இருந்தார். குளிருக்குத் தோதாக வேர்க்கடலையைக் கொறித்துக் கொண்டிருந்தார். சுவாமியும் எழுந்து நின்று சுற்றிலும் பார்த்தார்.

நிலவின் ஒளியில் பளிச்சென்று மலையின் அழகு கண்களுக்கு இதமாகவும் , தெய்வீகமாகவும்’ தோன்றியது. திரு.காளியப்பன் அவர்கள் ஒரு இடத்தைச் சுட்டிக் காட்டி, “அதோ அங்கே தெரிவதுதான் சீதாவனம். அதனுள் சென்று விட்டால் யாரும் திரும்பிவர முடியாது. நிறைய திசைப்பூடுகள் இருக்கும். தெரியாமல் திசைப்பூடைத் தாண்டி விட்டால் ஞாபகசக்தி போய்விடும். வந்த பாதையை மறந்து விட்டு வேறு எங்காவது சென்று விடுவார்கள். அப்புறம் அவர்களுக்கு இறுதிச் சடங்குதான் செய்யும்படி இருக்கும். அந்த சாமியார் சீதாவனம் போயிருந்தால் திரும்பவே மாட்டார்” என்று தன்வாக்கைப் பேசியபடியே வேகமாக நடந்து போனார்.

(மனிதனே புனிதன் வரலாறு இன்னும் தொடர்ந்து வரும்)

நன்றி! வணக்கம்!

— ஸ்ரீ ஈஸ்வர குமாரரின் தொண்டன்!
மதுரை M.மேகநாதன்.


Copyright Warning:
* All images and materials are copyright protected and are the property of Guru Eswaralayam Charitable Trust. Please contact us at admin@gurueswaralayam.com for permission to use our copyrighted materials.
* Unauthorized use and/or duplication of these images and materials without written permission from this blog’s authors and owners is prohibited. Excerpts and links may be used, provided that credit is given to Guru Eswaralayam Charitable Trust, with appropriate and specific direction to the original content.

Get real time updates directly on you device, subscribe now.

Call Now Button